26 İyun – Silahlı Qüvvələr Günü Elpida Psixoloji və Nitq Mərkəzində qeyd olunub

26 iyun Azərbaycan Silahlı Qüvvələri Günü münasibətilə Elpida Psixoloji və Nitq Mərkəzində və şəhid Aydın Əhmədli adına Elpida uşaq bağçasında görüş keçirilib. Görüşdə Dünya TV-nin baş aparıcısı jurnalist Könül Həbibqızı, Azərbaycan Yazıçılar Birliyinin, Azərbaycan Jurnalistlər Birliyinin üzvü, tarix elmləri üzrə fəlsəfə doktoru, QHT rəhbəri, Prezident təqaüdçüsü İradə Əlili, Azərbaycan Yazıçılar Birliyinin, Azərbaycan Jurnalistlər Birliyinin üzvü, şair publisist, Prezident təqaüdçüsü Azadə Novruzova iştirak ediblər.

Elpida Psixoloji və Nitq Mərkəzinin təsisçisi klinik psixoloq Yeganə Tofiqqızı mərkəzin fəaliyyəti ilə qonaqları yaxından tanış edib. Xüsusi qayğıya və ya hər hansı psixoloji dəstəyə ehtiyacı olanların cəmiyyətə inteqrasiya prosesi barədə danışıb.

Bağçanın icraçı direktoru Aişə Cəfərova qonaqlara körpələrlə iş metodları, müxtəlif mövzularda keçirilən tədbirlər barədə məlumat verib. O, uşaqların erkən yaşlardan vətənpərvərlik ruhunda tərbiyə edilməsinin xüsusi əhəmiyyət daşıdığını vurğulayıb. Təşkil edilən bu tədbirin də məhz həmin məqsədə xidmət etdiyini bildirib.

Bu əlamətdar gün münasibətilə uşaqlar vətənpərvərlik mövzusunda şeirlər söyləyib, mahnılar səsləndirib, hazırladıqları bayram süfrəsini qonaqlara təqdim ediblər. 

Qonaqlar mərkəzin rəhbərliyinə görüş üçün öz təşəkkürlərini bildirib, səmimi təəsüratlarını bölüşüblər.

Görüşün sonunda xatirə  fotoları çəkilib.