“Kibertəhlükəsizlik və rəqəmsal kriminalistikanın aktual problemləri” respublika elmi-praktiki konfransı keçiriləcəkdir

03 iyun 2026-cı il tarixdə Azərbaycan Respublikası Elm və Təhsil Nazirliyinin İnformasiya Texnologiyaları İnstitutu, Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyası, Azərbaycan Texniki Universiteti və Azərbaycan Kibertəhlükəsizlik Təşkilatları Assosiasiyasının təşkilatçılığı ilə “Kibertəhlükəsizlik və rəqəmsal kriminalistikanın aktual problemləri” respublika elmi-praktiki konfransı keçiriləcəkdir.

Konfransın məqsədi kibertəhlükəsizlik və rəqəmsal kriminalistika sahələrində aktual elmi-praktiki problemlərin müzakirəsi üçün intellektual dialoq platforması yaratmaq, bu istiqamətlərdə ölkədə aparılan fundamental və tətbiqi tədqiqatların cari vəziyyətinin dəyərləndirilməsi, gələcək problemləri və perspektivlərini müəyyən etməkdir.

KONFRANSIN   ƏSAS   İSTİQAMƏTLƏRİ

• Kibertəhlükəsizliyin elmi-nəzəri əsasları və qabaqcıl texnologiyaları
• Müasir idarəetmə və informasiya sistemlərinin kibertəhlükəsizliyi problemləri
• Kiberhücumların aşkarlanması və kibertəhdidlərin analizi
• Kibertəhlükəsizliyin hüquqi və etik aspektləri
• Kritik informasiya infrastrukturu və sistemlərinin kibertəhlükəsizliyi
• Kibertəhlükəsizlik üzrə təhsil və innovasiya
• Rəqəmsal kriminalistikada süni intellekt texnologiyaları
• Rəqəmsal izlərin və sübutların toplanması və analizi texnologiyaları
• Kibercinayətlərin və kiberinsidentlərin rəqəmsal kriminalistikası
• Rəqəmsal identifikasiya və davranış analizi texnologiyaları
• Stasionar və mobil kiberfiziki sistemlərin və qurğuların rəqəmsal kriminalistikası
• İnformasiya müharibəsi və rəqəmsal media kriminalistikası
• Rəqəmsal kriminalistikanın hüquqi və institusional problemləri
• Rəqəmsal kriminalistikanın elmi-metodoloji, kadr hazırlığı və təhsil problemləri

Məruzələrin tərtibatına dair tələblər: 

• Konfransın istiqamətlərinə uyğun, aktual elmi-praktiki problemlərə həsr olunmuş elmi məruzələr qəbul olunur;
• Məruzəni konfransın işçi dillərindən (Azərbaycan, ingilis və rus) birində təqdim etmək olar;
• Məruzədə problemin aktuallığı, məsələnin qoyuluşu, həlli yolları və əldə olunmuş nəticələrin elmi-praktiki əhəmiyyəti əks olunmalıdır;
• Məruzənin həcmi 4 səhifədən (cədvəl, şəkil və ədəbiyyat daxil olmaqla) az olmamalıdır;
• Düsturlar Microsoft Equation redaktorunda (standart parametrlər ilə) yığılmalıdır;
• Məruzənin formatı IEEE standartına uyğun olmalıdır (Nümunə: Sample_IEEE (aze).doc);
• Azərbaycan və rus dilində təqdim edilmiş məqalələrin sonunda məruzənin adı, xülasəsi və müəlliflərin ad və soyadları ingilis dilində əlavə edilməlidir;
• Məruzə elektron şəkildə [email protected] ünvanına göndərilməlidir;
• Məruzəçilər MS PowerPoint redaktorunda “On-screen Show” formatında slaydlar hazırlamalıdırlar.

Mühüm tarixlər:

Əlaqə məlumatları: 

Ünvan:   AZ1141, Bakı şəhəri, B. Vahabzadə küçəsi, 9A.

                ETN İnformasiya Texnologiyaları İnstitutu
Telefon:   (+994 12) 510-42-53; 539-01-67
E-poçt:     [email protected]

Təşkilat komitəsi